Inicio  Oferta educativa

Oferta educativa

O feito de depender da Deputación Provincial de A Coruña permite que os alumnos poidan confeccionar o seu currículo elixindo entre unha ampla oferta de itinerarios formativos.

Así mesmo facemos un enorme esforzo por implantar variadas medidas de reforzo educativo que permitan adaptar o ensino ás necesidades de todo o alumnado.

SISTEMA EDUCATIVO

No seguinte diagrama amósase a estrutura do Sistema Educativo Español. A oferta do IES Puga Ramón aparece marcada en cor azul:

EDUCACIÓN SECUNDARIA OBRIGATORIA

INFORMACIÓN BÁSICA

1.- Finalidades da ESO

- LOGRAR QUE O ALUMNADO ADQUIRA OS ELEMENTOS BÁSICOS DA CULTURA.

- DESENVOLVER E CONSOLIDAR HÁBITOS DE ESTUDO E DE TRABALLO.

- FORMALOS PARA O EXERCICIO DOS SEUS DEREITOS E OBRIGAS COMA CIDADÁNS.

- PREPARALOS PARA A SÚA INCORPORACIÓN A ESTUDOS POSTERIORES E PARA A SÚA 
  INCORPORACIÓN AO MUNDO LABORAL.

O horario semanal de clase é de trinta e dous horas lectivas, tanto na ESO como no Bacharelato.  De 8.45 a 14.30 pólas mañás e de 16.30 a 18.10 a tarde dos luns.

O horario compleméntase nas tardes de Martes a Xoves con clases de reforzo dalgunhas materias destinadas aos alumnos con necesidades específicas.

Na xornada de mañá o alumnado ten dous recreos de 20 mn. cada un, que comezan ás 10.30 e as 12.30 respectivamente.

3.- Titorías

Cada grupo ten un profesor titor encargado do seguimento persoal do alumno e de informar aos pais sobre a evolución académica do seu fillo.

O titor é ademais o coordinador do proceso de ensinanza dos profesores do grupo.

No seu horario persoal os titores dedican unha hora semanal  á atención ás familias, outra á atención directa dos alumnos e unha terceira para as reunións de coordinación. Nas horas presenciais de titoría lévanse a cabo actividades que favorezan a madurez persoal do alumnado e contribúan á educación en valores.

No instituto existe un Gabinete de Orientación encargado de prestar atención personalizada a aqueles alumnos que precisan mellorar o seu proceso de aprendizaxe, así como de orientar aos alumnos sobre optativas, estudos superiores, saídas profesionais, etc.

No Plano de Acción Titorial, que está á vosa disposición no apartado do proxecto educativo desta páxina web, podedes atopar o regulamento completo da acción titorial no noso centro, así como  a secuenciación das actividades que se fan dende a titoría en cada un dos cursos.

4.-Organización do currículo na ESO

A ESO organízase en materias que, seguindo o principio de atención a diversidade, poden ser de dous tipos: 

No terceiro curso deben elixir unha optativa entre: Francés, Cultura Clasica, Obradoiro de Iniciativas Emprendedoras e Cultura Gastronómica.

5.- Atención á diversidade

Para atender ao diferente ritmo de aprendizaxe dos alumnos que cursan a Educación Secundaria Obrigatoria adóptanse medidas que afectan á organización dos grupos e, nalgúns casos, tamén ás materias de estudo ou ao currículo das mesmas.  

Ademais das que leva a cabo cada profesor dentro da aula, funcionan este ano as seguintes:

6.- Criterios de promoción e titulación

PROMOCION 

Os criterios de promoción aprobados polo Claustro atópanse no apartado Proxecto Educativo desta páxina WEB

TITULACIÓN

Os criterios de Titulación aprobados polo Claustro atópanse no apartado Proxecto Educativo  desta páxina WEB

1º DA ESO

As materias que se cursan en primeiro da ESO e o seu horario semanal son as que figuran no seguinte cadro:

• O proxecto interdisciplinar non é unha materia máis senón un achegamento global aos distintos aspectos que interveñen na construcción do coñecemento. Con este proxecto inténtase  favorecer o tránsito da Educación Primaria á Secundaria, potenciando un traballo compartido no que conflúan os esforzos e intereses de cada persoa dos equipos creados na aula. Ao final de curso o proxecto non contará cunha cualificación numérica, pero si figurará no informe de avaliación final unha avaliación cualitativa sobre o grao de desenvolvemento das competencias básicas que o alumno acadou durante a realización do mesmo. Neste instituto o proxecto que se está a realizar este ano versa sobre a multiculturalidade. 

• Aínda que en 1º da ESO non hai ningunha materia optativa a Xunta de Avaliación pode decidir que os alumnos con graves problemas curriculares non cursen o francés segundo idioma. Nese caso o alumno terá dúas horas semanais de apoio, unha de matemáticas e outra de Lingua Castelá, a cargo de profesores dos devanditos Departamentos.

2º DA ESO

 As materias que se cursan en segundo da ESO e o seu horario semanal son as que figuran no seguinte cadro

• Neste curso funcionan  agrupamentos específicos de Matemáticas e Lingua Castelá. É dicir nalgúns grupos de 2º estas materias divídense en dous grupos de distinto nivel.

• Os alumnos e os seus pais deben elixir se desexan seguir ou non ensinanzas de relixión. Cada centro debe organizar o tipo de atención educativa que reciben os alumnos que non cursan relixión. No IES Rafael Puga Ramón, o Claustro de profesores decidiu impartir nesas horas un programa de achegamento aos medios audiovisuais. O traballo da aula vai encamiñado a espertar o espírito crítico a través do visionado de filmes, programas de televisión, análise de publicidade, etc.

• Aínda que en 2º da ESO non hai ningunha materia optativa a Xunta de Avaliación pode decidir que os alumnos con graves problemas curriculares non cursen o francés segundo idioma. Nese caso o alumno terá dúas horas semanais de apoio, unha de matemáticas e outra de Lingua Castelá, a cargo de profesores dos devanditos Departamentos.

3º DA ESO

As materias que se cursan en terceiro da ESO e o seu horario semanal son as que figuran no seguinte cadro:

•  Unha hora á semana a clase de Inglés divídese  en dous grupos, con dous profesores distintos, para facer prácticas orais e ´mellorar así o aprendizaxe desa lingua

  No terceiro curso a materia de Ciencias da Natureza desdóbrase en Bioloxía e Xeoloxía por un lado, e Física e Química por outro. Aínda que estas materias están a cargo de distintos profesores e avalíanse por separado, a final de curso os alumnos terán unha soa nota segundo se recolle na lei.

• En terceiro ademais das materias comúns os alumnos teñen que elixir unha optativa de entre as seguintes: Cultura Clásica, Obradoiro de Iniciativas Empresariais, Cultura Gastronómica e Francés. As tres primeiras pódense cursar no 3º ou no 4º curso pero non en ambos. O francés polo contrario pódese elixir, se así se desexa, nos dous cursos. 

• Os alumnos e os seus pais deben elixir se desexan seguir ou non ensinanzas de relixión. 

• Os centros deben organizar o tipo de atención educativa que reciben os alumnos que non cursan relixión. No noso instituto o Claustro de profesores decidiu impartir nesas horas un programa de achegamento aos medios audiovisuais. O traballo da aula vai encamiñado a espertar o espírito crítico a través do visionado de filmes, programas de televisión, análise de publicidade, etc.

• Un dos grupos de terceiro está a seguir un programa de diversificación de dous anos.

4º DA ESO

As materias que se poden cursar en 4º da ESO e o seu horario semanal son as que figuran no seguinte cadro

Os alumnos de 4º da ESO teñen que optar entre diferentes itinerarios formativos e á súa vez, dentro deles, elixir entre as distintas optativas. A elección é fundamental xa que condiciona os seus futuros estudos.

A seguir mostranse os itinerarios aprobados polo Claustro

• As materias obrigatorias son as que definen o itinerario do alumno. As optativas permítenlle confeccionar o seu currículo de acordo cos seus gustos e necesidades futuras.
• Os itinerario A e B están concibidos para alumnos que desexen estudar bacharelato de Ciencias da Natureza ou ciclos formativos de grado medio relacionados coas áreas de Ciencias. Tamén se aconsellan para aqueles rapaces que non teñen clara a súa elección posterior dado que pechan menos portas, neste caso é unha boa opción elixir cultura clásica coma optativa.
• Os itinerarios C e D están concibidos para alumnos que desexen estudar bacharelato de Humanidades e Ciencias Sociais. Tamén pode optarse a partir deles a ciclos formativos de grado medio que non necesiten a materia de física e química nin a de bioloxía.
• O itinerario E so debe ser cursado por aqueles alumnos que teñan claro non seguir estudos de bacharelato optando,  ao finalizar 4º, por incorporarse ao mundo laboral  ou  por facer un ciclo formativo de grado medio que non precise física e química. Neste itinerario impártense unhas matemáticas distintas que non os preparan para ningún dos bacharelatos

• O feito de que se repitan algunhas optativas nas filas correspondentes á optativa 1 e á optativa 2 permite aos alumnos  ter unha oferta máis ampla. Así por exemplo, se un alumno do itinerario A desexa elixir informática e Cultura Clásica debe elixir a informática como optativa 1 pero se quixera elixir informática e francés debería escoller a informática de optativa 2.

• Un dos grupos de cuarto está a seguir un programa de diversificación de dous anos.  

• Os alumnos e os seus pais deben elixir se desexan seguir ou non ensinanzas de relixión.  En caso afirmativo optarán entre cursar  relixión católica ou cultura das relixións.

• Os centros deben organizar o tipo de atención educativa que reciben os alumnos que non cursan relixión. No noso instituto o Claustro de profesores decidiu impartir nesas horas un programa de achegamento aos medios audiovisuais. O traballo da aula vai encamiñado a espertar o espírito crítico a través do visionado de filmes, programas de televisión, análise de publicidade, etc.

Se necesitades comprobar as materias as que están asociadas os distinos graos universitarios, pinchade no icono de estudos universitarios que tedes a continuación. Se precisades información sobre a Formación Profesional, no de Ciclos Formativos.

BACHARELATO

INFORMACIÓN BÁSICA

1.- Finalidades do Bacharelato

O bacharelato é unha etapa educativa de carácter propedéutico e terminal que forma parte da Educación Secundaria postobrigatoria e que ten como finalidades:

- Conseguir que o alumnado acade a  madureza intelectual e humana, e os coñecementos e habilidades que lle permita desempeñar as súas funcións sociais  e incorporarse á vida activa con responsabilidade e competencia.

- Proporcionarlle os coñecementos necesarios para o acceso á formación profesional de grao superior e aos estudios universitarios.

2.- Horarios

3.- Titorías

Cada grupo ten un profesor titor encargado do seguimento persoal do alumno e de informar aos pais sobre a evolución académica do seu fillo. O titor é ademais o coordinador do proceso de ensinanza dos profesores do grupo.

Os titores teñen tamén ao seu cargo fomentar a participación do alumnado naquelas actividades encamiñadas a favorecer a súa madurez persol e en aquelas que contribúan á Educación en Valores.

4.- Organización do currículo do Bacharelato

O Bacharelato comprende dous cursos académicos e está organizado por modalidades  que á súa vez  dividense en distintos itinerarios. Esta estrutura permite que os alumnos reciban unha preparación especializada acorde cos seus intereses de formación.

A modalidade o itinerario elixido condicionan definitivamente os graos universitarios aos que poden acceder e tamén alguns ciclos formativos de grao superior.

E pois moi importante que a elección se faga de xeito razoado e coñecendo ben as saidas ás que conduce cada unh dos itinerarios.

O centro orienta pormenorizadamente aos seus alumnos e organiza así mesmo charlas para as familias antes da elección.

As modalidades que establece a lexislación son as seguintes:

1. Modalidade de artes
2. Modalidade de Ciencias e Tecnoloxía
3. Modalidade de Humanidades e Ciencias Sociais

No noso instituto impártense as dúas últimas cada unha delas con dous ou tres itinerarios distintos para elixir.

5.- Criterios de promoción e titulación

PROMOCIÓN de 1º a 2º de bacharelato 

O alumnado que trala convocatoria de setembro suspenda unha ou duas materias promocionará con elas pendentes

O alumnado que en setembro suspenda tres ou máis materias deberá repetir o curso na súa totalidade.

 TITULACIÓN

 Para obter o título de bacharelato é necesario ter superadas todas as materias dos dous cursos do mesmo. Este Título é necesario para acceder á Universidade e tamén aos ciclos superiores de Formación Profesional

MODALIDADES E ITINERARIOS

As materias de bacherelato poden ser de tres tipos: 

• Comúns: Obrigatorias a todos os alumnos

• Propias de modalidade: Os alumnos deben cursar 3 materias en 1º  e 3 en 2º  dentre as propias da modalidade que elixiu. No segundo curso o exame de selectividade versa sobre as materias comúns e sobre as propias de modalidade. O centro oferta dous ou tres itinerarios posibles para cada unha das modalidades

• Optativas: Os alumnos deben cursar, ademais, en cada un dos cursos do bacharelato unha materia optativa das que oferta o centro para o itinerario elixido

Nos seguintes cadros tedes a oferta educativa do instituto para os dous cursos do bacharelato:

Neste curso cada unha das modalidades ten dous itinerarios posibles de elección que condicionan as materias que se poderán escoller en 2º ( ver promoción).

Antes de facer a elección débese estudar con coidado os itinerarios de 2º e as materias que poden mellorar a nota de acceso á universidade, segundo o grao universitario que o alumno desexe facer. Podedes atopar máis información nos apartados referentes á proba de selectividade e aos Estudos Universitaros desta mesma páxina.

Canto as materias optativas podedes elixir unha das ofertadas para a vosa modalidade. So hay que ter en conta que algunhas das materias optativas se repiten para ampliar a oferta do alumnado. É evidente que non podedes elixir coma optativa unha que xa cursades como propia da modalidade.

Os centros deben organizar o tipo de atención educativa que reciben os alumnos que non cursan relixión. No noso instituto o Claustro de profesores decidiu que nesas horas a atención educativa estará a cargo do titor, xa que non existe no bacharelato unha hora específica de titoría na aula. O titor poderá aproveitar esa hora para facer titoría individual ou colectiva cos alumnos que non escollan relixión, sen que queden desatendidos os restantes alumnos aos que recibirá durante os recreos como era habitual ata agora.

En cada unha das modalidades o alumno debe cursar 3 materias propia de modalidade. A lexislación determina que na modalidade de Ciencias da Natureza e Tecnoloxía é obrigatorio cursar matemáticas II e na modalidade de Humanidades e Ciencias Sociais é obrigatorio cursar Xeografía. Así pois, os alumnos deben elixir dúas materias propias da súa modalidade de entre as que se ofertan no cadro.

Así mesmo deben escoller unha optativa entre as que se ofertan, poidendo optar por unha propia da súa modalidade se non a elixiu anteriormente.

Na elección teráse en conta que o alumno debe examinarse dunha materia popia de modalidade para aprobar a proba de acceso á universidade (fase xeral) e pode, se así o decide, examinarse doutras  materias propias de modalidade para mellorar a súa nota de acceso. O alumno non pode examinarse nas PAUU de ningunha materia optativa que non sexa propia de modalidade.

Para comprender mellor estes conceptos conven que estudedes co atención o apartado referente á proba de selectividade nesta mesma páxina.

PROBA DE SELECTIVIDADE

A proba versará sobre os contidos das materias de 2º de bacharelato e estará estruturada en dúas fases: Fase Xeral e Fase Específica

FASE XERAL

• Constará de cinco exercicios:

  A) Composición dun texto de carácter histórico ou filosófico

  B) Análise dun texto en idioma extranxeiro

  C) Análise e comprensión dun texto en lingua castelá

  D) Análise e comprensión dun texto en lingua galega

  E) Exame sobre os contidos de 2º de bacharelato duha materia propia de modalidade elixida polo alumno.

• O alumno decidirá no momento de matricularse se elixe a composición do texto de carácter histórico ou ben a do filosófico. Así mesmo decidirá a materia propia de modalidade da que se vai examinar.
• Cada un dos exercicios puntuarase de 0 a 10 puntos e a nota final da Fase Xeral será a media aritmética da puntuación obtida nos cinco exercicios.
• Considérase que un estudante superou as PAUU se obtén unha media de 5 puntos ao ponderar nun 60% o expediente de bacharelato e nun 40% a nota obtida na Fase Xeral, sempre e cando se obteña nesta un mínimo de 4 puntos.

FASE ESPECÍFICA

• Esta Fase ten por obxecto a avaliación de coñecementos das áreas relacionadas cos estudos que se pretenden facer. É de carácter voluntario e permite mellorar a cualificación obtida na Fase Xeral.
• Cada estudante poderase examinar de calquera das materias propias de modalidade de 2º de bacharelato, agás da escollida para a Fase Xeral, debendo indicar a súa solicitude de inscripción no momento da matrícula.
• Cada unha das materias das que se examine puntuarase entre 0 e 10 puntos, considerandose superada cando se obteña unha puntuación superior ao igual a 5.

NOTA DE INGRESO NA UNIVERSIDADE

PARA A ADMISIÓN NAS UNIVERSIDADES CUN NÚMERO LIMITADO DE PRAZAS UTILIZARASE A SEGUINTE NOTA MEDIA:

• NOTA=0’6.EXPED ACADÉMICO+0’4.FASE XERAL+ a.M1+b.M2
  • Sendo M1 e M2 as dúas mellores notas das materias superadas na fase específica.
  • A nota de admisión incorporará as cualificacións das materias da fase específica no caso de que as mesmas estean adscritas ao título de grao ao que o alumno opte ( podedes ver a adscripción das materias de bacharelato aos distintos graos no apartado Estudos Universitarios desta mesma páxina)
  • No caso anterior, os coeficientes a e b poderán ser iguais a 0’1 ou 0’2 segundo a idoneidade da materia co título de grao. Se queredes ver a ponderación para o curso académico actual podedes facelo no seguinte enlace: ciug.cesga.es/marcoloe.html
  • Os estudantes poderán presentarse en sucesivas convocatorias para mellorar a súa cualificación da fase xeral ou de calquera das materias da fase específica. Tomarase en consideración a nota obtida na nova convocatoria sempre que esta sexa superior á obtida con anterioridade.
• A superación da fase xeral terá validez indefinida

• A cualificación obtida nas materias da fase específica terá validez para o acceso á universidade durante os dous cursos académicos seguintes á superación das mesmas.

  

Se desexas máis información sobre a proba de selectividade podes ir á páxina da Comisión Interuniversitaria de Galicia  (Ir) 

CICLOS FORMATIVOS (F.P.)

As ensinanzas de formación profesional capacitan para o desempeño cualificado das diversas profesiones, a especificación dos seus contidos establécese de acordo coas necesidades do mundo laboral.

• Adquirir a competencia profesional característica de cada título.  

• Comprender a organización e as características do sector correspondente.   
  

• Coñecer a lexislación laboral básica e os dereitos e obrigas que se derivan do traballo.

• Dispor dos coñecementos e das habilidades que se precisan para traballar en condicións de seguridade.

• Coñecer os mecanismos de inserción laboral.

• Afondar na autonomía, identidade e madureza persoal e profesional, de xeito que se poidan realizar futuras aprendizaxes e adaptacións ó cambio de cualificacións.
   

Na actualidade existen 122 ciclos formativos organizados e 22 familias profesionais.

Se desexas ver o catálogo dos ciclos formativos, segundo a familia á que pertencen, a súa duración e os centros onde poden cursarse pincha  aquí

ACESO

Para acceder de xeito directo  aos ciclos de grado medio é preciso estar en posesión do Título de Graduado en Educación Secundaria e para acceder aos de grado superior do Título de Bacharelato.

Se non se ten o Título esixido pódese acceder mediante unha proba, non moi doada, sempre que se teña a idade regulamentada: 17 anos para a `proba de acceso a ciclos de grado medio e 19 para os de grado superior.

Se queres saber máis sobre a organización da formación profesional podes irá  páxina da Xunta de Galicia na que se aclaran as dúbidas máis frecuentes:  Ir

ESTUDOS UNIVERSITARIOS

a)      Artes e Humanidades

b)      Ciencias

c)      Ciencias da Saúde

d)     Ciencias Sociais e Xurídicas

e)      Enxeñería e Arquitectura

2. Os plans de estudios terán un mínimo de 240 créditos dos que como mínimo 60 serán de formación básica vinculados á rama de coñecemento no que se encadre o título. Sendo o crédito unha unidade de medida equivalente, con crácter xeral, a dez horas lectivas. (Haberá excepcións con máis créditos coma mediciña ou arquitectura)

a) Artes e Humanidades (antropoloxía, arte, ética, expresión artística, filosofía, xeografía, historia, idioma moderno, lingua, lingua clásica, lingüística, literatura, socioloxía).

b) Ciencias (bioloxía, física, xeoloxía, matemáticas, química).

c) Ciencias da saúde (anatomía animal, anatomía humana, bioloxía, bioquímica, estatística, física, fisioloxía, psicoloxía).

d) Ciencias sociais e xurídicas (antropoloxía, ciencia política, comunicación, dereito, economía, educación, empresa, estatística, xeografía, historia, psicoloxía, socioloxía).

e) Enxeñería e Arquitectura (empresa, expresión gráfica, física, informática, matemáticas, química).

4. As materias propias de modalidade que son impartidas en 2º de bacharelato quedan adscritas ás mencionadas ramas de coñecemento do seguinte xeito:

a) Artes e Humanidades

    Debuxo técnico II, Xeografía, Grego II. Historia da Arte. Latín II. Literatura universal.

b) Ciencias Sociais e Xurídicas

    Economía da empresa. Xeografía. Latín II. Literatura universal. Matemáticas aplicadas as Ciencias Sociais II.

 

c) Ciencias

    Bioloxía. Ciencias da Terra e Medioambientais. Física. Matemáticas II. Química.

 

d) Ciencias da Saúde

    Bioloxía. Ciencias da Terra e Medioambientais. Física. Matemáticas II.Química.

 

e) Enxeñería e Arquitectura

    Ciencias da Terra e Medioambientais. Debuxo técnico II. Física. Matemáticas II. Química.